Bakıda köhnə avtobusları xətdən çıxarmaq çətindir. Bu haqda bu gün, 13 fevral tarixində Bakuplus.az APA-ya istinadən xəbər verir.
Yerüstü Nəqliyyat Agentliyinin İctimai nəqliyyat şöbəsinin müdiri Emin Məcidovun sözlərinə görə, avtobusları yeniləmək üçün daşıyıcıların da müəyyən avtoparkları olmalıdır və bununla bağlı tədbirlər görülür.
"Müəyyən avtobusların istismar vəziyyəti qənaətbəxş deyil, onlar müasir tələblərə cavab vermir. Hazırda Bakı şəhərində təxminən 2000 avtobus istismar olunur. İstismarda olan bu avtobusların təxminən 800-ə qədəri müasir tələblərə cavab vermir”, – deyə o qeyd edib.
E.Məcidov əlavə edib ki, daşıyıcının gediş haqqından müəyyən gəliri olmalıdır ki, qarajını və avtobus parkını yeniləsin. Etiraf edək ki, daşıyıcıların bu istiqamətdə müəyyən çətinlikləri var.
