Bakıda oğlan sevgilisinin adına İnstagram-da saxta hesab açıb və nəticədə həbs olunub. Bu haqda bu gün, 24 yanvar tarixində Bakuplus.az Qafqazinfo-ya istinadən xəbər verir.
26 yaşlı Samir Əkbərov (ad-soyad şərtidir) məhkəmənin qərarı ilə 4 ay 28 gün müddətinə azadlıqdan məhrum edilib.
Belə ki, təqsirləndirilən şəxs Sahilə Qulamova (ad-soyad şərtidi) ilə sevgili olub. Daha sonra qadından ayrılan S.Əkbərov ondan qisas almaq istəyib. O, S.Qulamovanın adına saxta hesablar açaraq onun adından pul qarşılığında kişilərlə görüşdüyünü qeyd edib. Samir qadının şəkillərini və onun nömrəsini açıq şəkildə paylaşıb.
Bunları görən Sahilə oğlanı məhkəməyə verib və onun cəzalanmasını tələb edib.
