“Formula 1” üçün marşal qeydiyyatına start verilib. Bu haqda bu gün, 5 fevral tarixində Bakuplus.az Bakı Şəhər Halqası Əməliyyat Şirkətinə istinadən xəbər verir.
Bu il keçiriləcək Azərbaycan Qran-prisində iştirak edəcək Bakı Marşal Klubu qeydiyyat proqramına start verib. Yaşayış yerindən asılı olmayaraq, yaşı 21-dən çox olan hər kəs proqrama qoşula bilər.
"Formula 1" yarış həftəsonunu uğurla başa çatdıran hər bir marşala Beynəlxalq Avtomobil Federasiyası (FİA) tərəfindən qəbul olunmuş lisenziya təqdim olunacaq. Bu lisenziya marşallara təkcə Azərbaycanda deyil, "Formula 1" üzrə Qran-pri və digər avtoidman yarışlarına ev sahibliyi edən digər ölkələrdə keçiriləcək turnirlərə qatılmaq hüququ verəcək.
Azərbaycan Qran-prisi 13-15 sentyabr tarixlərində baş tutacaq.
