100 manata görə paytaxt sakinini öldürən şəxslərə hökm oxunub. Bu haqda bu gün, 20 fevral tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin hakimi Səbinə Məmmədzadənin qərarına əsasən, Rəşad Kərimov 1 il 8 ay, Tahir Ələkbərov 19 il, Radiq Feyziyev isə 19 il 11 ay 28 gün müddətinə azadlıqdan məhrum ediliblər.
Hadisə 2020-ci ilin oktyabrında Suraxanı rayonu, Hövsan qəsəbəsində baş verib. Türkan qəsəbə sakini Rüstəm Bayramov daşla öldürülüb.
R.Kərimov saxlanılan dövrdə R.Feyziyev və T.Ələkbərov Cinayət Məcəlləsinin “Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma” maddəsi ilə tutulduqları üçün Ədliyyə Nazirliyinin Penitensiar Xidmətinin 3 saylı İstintaq Təcridxanasında saxlanılırdılar.
[caption id="attachment_130263" align="alignnone" width="640"]
Foto Report.az[/caption]
