Bakıda son 20 il ərzində nə qədər yol çəkilib? Bu haqda bu gün, 10 oktyabr tarixində Bakuplus.az Avtomobil Yolları Dövlət Agentliyinə istinadən xəbər verir.
Son 20 il ərzində paytaxt ərazisində 2000 km-dən çox yol çəkilib, yenidən qurulub və təmir edilib. Bundan əlavə, həmin dövrdə 83 yol ötürücüsü, 99 yeraltı və yerüstü piyada keçidi inşa olunub.
“Bütövlükdə 20 il ərzində 21.000 kilometrə yaxın avtomobil yolu tikilib, yenidən qurulub və təmir olunub. Əgər 1-ci texniki dərəcəli avtomobil yollarının uzunluğu 2003-cü ildə respublikamızda 115 km təşkil edirdisə, hazırda 1025 km-dir”, – deyə AAYDA idarə heyətinin sədri Saleh Məmmədov “Azərbaycan” qəzetində dərc edilmiş yazısında qeyd edib.
