Bakıda mənzillərin alınma öhdəliyi ilə kirayə verilməsi mexanizmi çərçivəsində İpoteka və Kredit Zəmanət Fondu tərəfindən vətəndaşlara təklif olunan mənzillərin siyahısı artıb. Bu haqda bu gün, 3 avqust tarixində Bakuplus.az məlumat verir.
Yeni yaşayış kompleksi Bakının Xətai rayonu, Nəsrəddin Tusi küçəsində yerləşir.
Vətəndaşlara iki və üç otaqlı 44 mənzil təklif olunur. Onların aylıq ödənişi 557 manatdan başlayır.
Digər kompleks Abşeron rayonu, Xırdalan şəhəri, Bakı-Sumqayıt yolunun 17-ci kilometrində yerləşir. İlkin mərhələdə vətəndaşlara 172 mənzil, o cümlədən bir, iki və üç otaqlı mənzillər təklif olunur. Onların isə aylıq ödənişi 268 manatdan başlayır.
Əlavə məlumatı İpoteka və Kredit Zəmanət Fondunun saytında əldə etmək olar.
