Bakıda içi sərnişinlə dolu olan avtobusla yolun əks istiqamətinə çıxan sürücü saxlanılaraq onun barəsində inzibati tədbir görülüb. Bu haqda 24 noyabr tarixində Avtosfer xəbər verib.
Bu barədə Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədovun sözlərinə görə paytaxtın Nəcəfqulu Rəfiyev küçəsində 1.3 nişanlanma xəttinin tələbini pozaraq əks yola çıxan avtobus sürücüsü Əhmədov Alik Arif oğlu idarəyə dəvət olunub və məsuliyyətə cəlb olunub.
O, əks yola çıxaraq həm sürücülərə, həm də sərnişinlərə təhlükə yaratdığı üçün İnzibati Xətalar Məcəlləsinin 327.4-cü maddəsi ilə 4 bal 100 manat məbləğində cərimə edilib.
Xətai rayonunda baş vermiş hadisə barədə 22 noyabr tarixində xəbər vermişdik.
