Yanvar ayının 1-dən etibarən Bakıda dizellə işləyən avtobusların hərəkətinə icazə verilməyəcək. Bu haqda Xəzər Tv reportaj hazırlayıb.
Bu barədə sabiq Baş Nazir Novruz Məmmədov 2019-cu ilin 4 martında qərar qəbul etmişdir.
Qərara əsasən, paytaxtda sərnişindaşımada istifadə edilən avtobuslar mütləq qaydada elektrik və sıxılmış qazla işləməlidir.
Ekspert Elməddin Muradlının sözlərinə görə isə paytaxtın infrastrukturu bu qanunun icrası üçün hazır deyil.
“Əgər bu qərarın icrası həyata keçirilsə, Baku-Bus avtobuslarının xidmət göstərə biləcəyi, yerdə qalan 2 minədək digər avtobusların isə tələblərə cavab verməyəcəyi görünür. Bu qərarın qüvvəyə minmə tarixi mütləq uzadılmalıdır.”- ekspert əlavə edib.
Bakı Nəqliyyat Agentliyinin mətbuat katibi Mais Ağayev bildirib ki, köhnə avtobuslar, sıxlımış qaz və elektriklə işləyənlər gətirilənə qədər xətlərdən çıxarılmayacaq.
