Bu gün, 12 mart tarixində Bakıda Novruz yarmarkalarına start verilib. Yarmarkalar martın 19-a kimi fəaliyyət göstərəcək. Bu haqda bu gün, 12 mart tarixində yarmarkaya səfər edərək Bakuplus.az məlumat verir.
“Kənddən şəhərə” layihəsi çərçivəsində təşkil olunan yarmarkada 50-ə yaxın regiondan 100-dən artıq fermer iştirak edir. Fermerlər 50-ə yaxın çeşiddə kənd təsərrüfatı və qida məhsullarının satışını həyata keçirir.
Yarmarka saat 09:00-dan 19:00-dək fasiləsiz olaraq həftənin hər günü işləyəcək.
Satışa çıxarılan bəzi məhsulların qiymətləri ilə sizi tanış edirik:
Armud - 2.00 manatdan
Nar - 0.90 manatdan
Alma - 0.60 manatdan
Kartof - 0.85 manatdan
Soğan - 0.50 manatdan
Pomidor - 2.30 manatdan
Xiyar - 2.60 manatdan
Portağal - 1.80 manatdan
Mandarin - 2.20 manatdan
Xurma - 0.50 manatdan
Heyva - 1 manatdan
Qoz - 2.50 manatdan
Qoz ləpəsi - 10 manatdan
Fındıq - 4.50 manatdan
Fındıq ləpəsi - 11 manatdan
Badam - 4.50 manatdan
Badam ləpəsi - 5 manatdan
Kişmiş - 6 manatdan
Ət - 9.50 manatdan
Səməni - 1 manatdan
“Kənddən şəhərə” Novruz yarmarkası aşağıdakı ünvanlarda fəaliyyət göstərəcək:
- Nərimanov rayonu, Fətəli xan Xoyski küçəsi, 5 (“Gənclik” metro stansiyasının çıxışı)
- Binəqədi rayonu, Süleyman Sani Axundov, 5B (“İnqilab” kinoteatrının yanı)
- Xırdalan şəhəri, Heydər Əliyev prospekti, 41A
Məhsulların keyfiyyəti Azərbaycan Qida Təhlükəsizliyi İnstitutunun səyyar qida laboratoriyası tərəfindən yoxlanılır.
Ticarət meydançasını ziyarət etmək istəyənlər Covid-19 pasportu və ya immunitet sertifikatı təqdim etməlidirlər.
[URIS id=36647]
