26 İyun - Azərbaycan Silahlı Qüvvələri Günü münasibətilə Bakının müxtəlif yerlərində hərbi orkestrlərin yürüşləri təşkil olunacaq. Bu haqda məlumatı bu gün, 24 iyun tarixində Report Müdafiə Nazirliyinə istinadən məlumat verib.
Hərbi orkestrlər iyunun 26-da saat 10:00-dan 12:00-dək aşağıdakı marşrutlar üzrə yürüş edəcəklər:
- Heydər Əliyev sarayı - Bülbül prospekti - Nizami kinoteatrı - Neftçilər prospekti - Azadlıq meydanı - AMAY ticarət mərkəzi;
- Şəhidlər Xiyabanı - Alov qüllələri - İçərişəhər metrosu - Qala qapısı - Kukla teatrı - Azneft dairəsi - Bəhram Gur heykəli;
- Hüseyn Cavid parkı - Hüseyn Cavid prospekti - Parlament prospekti - Şəhidlər Xiyabanı;
- Zabitlər parkı - Milli Sirk - Heydər Əliyev sarayı - Səməd Vurğun küçəsi - Neftçilər prospekti;
- Nərimanov heykəli - Mərkəzi park - Milli Dram Teatrı - Qış parkı - Heydər Əliyev sarayı - Milli Bank.
19:00-dan 21:00-dək müəyyən yerlərdə nümunəvi orkestr çıxışları olacaq:
- Heydər Əliyev parkında (Heydər Əliyev Sarayı ilə üzbəüz);
- Dövlət Bayrağı Meydanında;
- Muzey Mərkəzi ilə üzbəüz (fəvvarənin yanı);
- Zabitlər parkında;
- Koroğlu parkında;
- Fəvvarələr meydanında.
