Avtomobillərin parklanmasına görə ödəniş ancaq nağdsız olacaq. Bu haqda bu gün, 6 iyul tarixində Bakuplus.az Report-a istinadən xəbər verir.
Azərbaycan Yerüstü Nəqliyyat Agentliyindən (AYNA) verilən məlumata əsasən, bu kimi ödənişlərin yalnız nağdsız qaydada həyata keçirilməsi nəzərdə tutulur.
“Bunun üçün xüsusi mobil tətbiq də istifadəyə veriləcək. İlkin mərhələdə müvafiq əməkdaşlar və könüllülər sürücülərə yeni sistemdən istifadə qaydalarını izah edəcəklər. Parklanmadan gələn gəlirlər sistemin saxlanılmasına, həmçinin dövlət tərəfindən nəqliyyat infrastrukturunun inkişafına yönəldiləcək,” - deyə qurumdan bildirilir.
Daha öncə ölkə ərazisində parklanma qiymətləri ilə bağlı qərar verilib.
