Daxili işlər Nazirliyində kadr dəyişikliyi baş verib. Bu haqda bu gün, 30 dekabr tarixində Milli.az məlumat verib.
Daxili işlər naziri, general-polkovnik Vilayət Eyvazovun müvafiq əmri ilə Nizami Rayon Polis İdarəsinin İstintaq şöbəsinin rəisi, polis polkovnik-leytenantı Rüfət İbayev tutduğu vəzifəsindən azad edilib.
Nazirin digər əmri ilə onun yerinə polis polkovnik-leytenantı Elşən Zamanov təyin edilib. Verilən məlumata görə, Rüfət İbayev işində yol verdiyi nöqsanlarına görə işdən çıxarılıb.
Daha öncə R.İbayev Xətai RPİ-nin istintaq şöbəsinin rəisi vəzifəsindən azad edilərək Nizami RPİ-nin istintaq şöbəsinin rəisi vəzifəsinə təyin edilmişdir.
