Yol qəzasından sonra 30 gün ərzində koma vəziyyətində qalan 28 yaşlı qız ayılıb. Bu haqda bu gün, 26 dekabr tarixində Lent.az məlumat verib.
Kliniki Tibbi Mərkəzdə ağır və dərin koma vəziyyətində olan xəstənin hemodinamika pozğunluğu, ağır kəllə-beyin travması aldığı müəyyən edilib.
Xəstə 30 gün süni tənəffüs aparatında qalıb və müvafiq müalicələr alıb.
İstirahət məqsədilə İsmayıllı rayonuna gedən qız noyabrın 7-si qəzaya düşüb. Təcili tibbi yardım onu özəl xəstəxanalardan birinə aparıb. Lakin xərcləri qarşılaya bilməyən ailə TƏBİB-ə müraciət edib və bundan sonra pasiyent Kliniki Tibbi Mərkəzə köçürülüb.
