Paytaxtda dövlət mühafizəsində olan tarixi binaların üzərindən qanunsuz reklam lövhələri sökülür. Bu haqda Report Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə istinadən bu gün, 28 dekabr tarixində məlumat verib.
Bu günlərdə tarix və mədəniyyət abidələrinin mühafizəsi üzrə pilot layihə çərçivəsində 12 ünvanda reklam lövhələri və məişət qurğuları sökülərək, binalar ilkin görkəminə qaytarılır.
Söküntü işləri Dövlət Xidmətinin Bakı Regional İdarəsinin sifarişi əsasında Dövlət Reklam Agentliyinin Bakı Şəhər Reklam Departamenti tərəfindən aparılıb.
Bu işlər gələcəkdə də davam etdiriləcək. Tarix və mədəniyyət abidələrinə onların memarlıq üslubuna, görkəminə, bədii-estetik xüsusiyyətlərinə xələl gətirən qanunsuz müdaxilələr müəyyən edilərək aradan qaldırılacaq.
[caption id="attachment_21989" align="alignnone" width="896"]
Foto Report.az[/caption]
