Bakının Nəsimi rayonunda bıçaqlanma hadisəsi baş verib.
DİN-in Mətbuat xidmətinin əməkdaşı, polis baş leytenantı İbrahim Əmiraslanlı “Qafqazinfo”ya bildirib ki, hadisə bu gün saat 06:40 radələrində rayonun “28 May” küçəsində qeydə alınıb.
Belə ki, 2005-ci il təvəllüdlü A.H.-yə kəsici-deşici alətlə xəsarət yetirildiyi və xəstəxanaya yerləşdirildiyi barədə polisə məlumat daxil olub. Əməli törətməkdə şübhəli bilinən şəxs polis əməkdaşları tərəfindən müəyyən edilib. Hadisənin rəfiqələr arasında baş verdiyi qeyd olunub.
Yaralının həyatı üçün təhlükənin olmadığı bildirilib.
Hadisə ilə bağlı ərazi Polis Şöbəsində təhqiqat araşdırmaları davam etdirilir.
