Bakı dairəvi yolunda sürücüləri narahat edən nişanlanma ilə bağlı problem aradan qaldırılıb. Bu haqda BakuPlus.az Qafqazinfo-ya istinadən bu gün, 25 noyabr tarixində xəbər verir.
Yol hərəkəti üzrə ekspert Ərşad Hüseynovun sözlərinə görə, həmin yolda nişanlanma oxu dəyişdirilib:
“Yolun Alatava qəsəbəsinin bərabərində sağ kənar hissədən sola - orta hərəkət hissəsinə keçid edərək Biləcəriyə getmək üçün olan kəsiyi qarşısında sol zolaqdakı 1.18 nişanlanma oxu dəyişdirilib. Həmin ox sol zolaqdan yalnız sola hərəkətə icazə verirdi. Bu da hərəkət şəraitinə və oradan sola gedən avtomobillərin sayına uyğun deyildi. Bizim də bu məsələni işıqlandırmağımızdan sonra həmin ox dəyişdirildi və indi sol zolaqdan həm düzünə, həm də sola getmək olar”.
