Bakıda dostunu öldürən şəxsin məhkəməsi başa çatıb. Bu haqda 3 dekabr tarixində BakuTV məlumat verib.
2021-ci il iyunun 20-si 6-cı mikrorayon ərazisində naməlum kişi meyiti aşkar edilib. İstintaqla müəyyən edilib ki, Zeynal Zeynalov iyunun 17-də idarə etdiyi avtomobildə tanışları Ramil Oruclu, Səttar Mehtiyev və Mikayıl Rzayevlə birlikdə hərəkətdə olduğu zaman R.Oruclu narkotik vasitə almaq üçün pul lazım olduğunu bildirib. Zeynalov üzərində cəmi 7 manat olduğunu söylədikdə Oruclu onun ailə üzvlərinin ünvanına nalayiq ifadələr işlədib. Bundan sonra Zeynal tanışını öldürmək fikrinə gəlib və avtomobildə saxladığı bıçaqla Ramil Orucluya 2 dəfə zərbə vurub. Səttar Mehdiyev və Mikayıl Rzayev avtomobildən düşəndən sonra o, avtomobili başqa əraziyə sürüb. Orada Ramil Oruclunun meyitini otluq sahəyə atıb və hadisə yerindən uzaqlaşıb.
Məhkəmə zalında Zeynal Zeynalov bildirib ki, Ramil Oruclunu təxminən 20 ildir tanıyır, dostluq ediblər.
Məhkəmə iclasında Zeynal Zeynalov elan edilmiş ittiham üzrə özünü təqsirli bilməyib. Bakı Ağır Cinayətlər Məhkəməsinin hökmü ilə o ,17 il müddətinə azadlıqdan məhrum olunub.
[caption id="attachment_81652" align="alignnone" width="640"]
Foto Baku TV-nin rəsmi saytı[/caption]
