Nizami rayonunda piyadanı vuraraq öldürən gənc barəsində hökm oxunub. Bu haqda bu gün, 23 noyabr tarixində Bakuplus.az Qafqazinfo-ya istinadən xəbər verir.
Bakı Ağır Cinayətlər Məhkəməsinin qərarı ilə 18 yaşlı A. Əsədov 3 il müddətinə sürücülük hüququndan məhrum edilib, eləcə də 4 il 6 ay 19 gün müddətinə azadlıqdan məhrumetmə cəzası alıb. Onun cəzasını məntəqə tipli müəssisədə çəkəcəyi qeyd edilib.
Cari ilin iyun ayında Bakının Nizami rayonunda gənc oğlan sürücülük hüququ olmadan “Hyundai Sonata” markalı avtomobili idarə edib. O, hərbi xidmətə getməzdən bir neçə gün öncə qəza törədərək piyadanı vurub. Nəticədə 37 yaşlı Qasım Zeynalov dünyasını dəyişib.
A.Əsədovun ailəsi qarşı tərəfə 10.000 AZN məbləğində yardım edib və Q.Zeynalovun yaxınları sürücüdən şikayətçi olmadıqlarını bildiriblər.
