Bakı Ekspo Mərkəzində Beynəlxalq “STEAM Azərbaycan Festivalı”na (SAF-2022) start verilib. Bu haqda bu gün, 5 dekabr tarixində Bakuplus.az Report-a istinadən xəbər verir.
Açılış mərasimində elm və təhsil naziri Emin Əmrullayev, dövlət rəsmiləri, deputatlar iştirak ediblər.
“STEAM Azərbaycan Festivalı” şagirdlərin yaradıcı, rəqəmsal texnologiya bacarıqlarının inkişaf etdirilməsi məqsədilə təşkil olunan beynəlxalq tədbirdir.
Burada 10 kateqoriya üzrə yarış və 1 kateqoriya üzrə innovativ layihələr sərgisi keçirilir. Festivalda 350 komandanın tərkibində 1312 nəfər iştirak edir.
