“Baku Great Wall Restaurant”-da təhlükəsizlik ilə bağlı tələblər yerinə yetirilməyib. Bu haqda BakuPlus.az Qafqazinfo-ya istinadən bu gün, 14 iyul tarixində xəbər verir.
Paytaxtın Nizami küçəsində yerləşən restoranın rəhbərliyi yanğın təhlükəsizliyi ilə bağlı tələblərə diqqət yetirmədiyinə görə, İXM-in 518.1-ci maddəsi ilə ittiham olunur.
Bu maddəyə görə, vəzifəli şəxslərə xəbərdarlıq edilir və hüquqi şəxslər 350 manatdan 500 manatadək məbləğdə cərimə olunur.
Səbail Rayon Məhkəməsində keçiriləcək proses hakim Günel Səmədovanın sədrliyi ilə baş tutacaq.
Adıçəkilən restoran müştərilərə Çin mətbəxini təklif edir.
