Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) Bakı-Şabran, Bakı-Oğuz, Bakı-Göyçay, Bakı-İsmayıllı, Bakı-Cəlilabad, Bakı-Siyəzən, Bakı-Qusar və Bakı-Xudat şəhərlərarası müntəzəm avtobus marşrutlarını müsabiqəyə çıxarır. Bu haqda bu gün, 2 iyun tarixində Bakuplus.az nazirliyə istinadən məlumat verir.
Müsabiqə şəhərlərarası sərnişindaşıma xidmətlərinin keyfiyyətinin yüksəldilməsi məqsədilə keçirilir.
Müsabiqədə Azərbaycanda qeydiyyatdan keçmiş hüquqi şəxslər və fərdi sahibkarlar iştirak edə bilərlər.
Sənədlər bu gündən etibarən 30 gün ərzində AYNA-da (ünvan: Bakı şəhəri, Tarzən Hacı Məmmədov küçəsi, 5, əlaqələndirici şəxs: Ramil Musayev – tel.: 012-567-99-76, 055-512-34-97, e-poçt: ramil.musayev@ayna.gov.az) qəbul ediləcək.
