Bakı-Gəncə-Bakı qatarlarında onlayn xidmətdə yenilik olacaq. Bu haqda bu gün, 8 avqust tarixində Bakuplus.az Dəmir Yolları Agentliyinə istinadən xəbər verir.
Belə ki, 10 avqust tarixindən etibarən onlayn alınmış biletlər birbaşa qeydiyyatdan keçiriləcək. Artıq bu biletlərin sahiblərinin kassaya yaxınlaşmalarına ehtiyac qalmayacaq.
Sözügedən biletləri qatara minik zamanı bələdçilər xüsusi aparatla yoxlayacaqlar. Elektron biletlərin satışı qatarın yola düşməsinə 1 saat qalmış dayandırılır.
Yaxın zamanda ADY-nin istifadəyə verəcəyi yeni mobil tətbiq vasitəsilə də elektron bilet almaq mümkün olacaq.
