Bu gün, 24 dekabr tarixində Vyanada Azərbaycan Mədəniyyət Mərkəzində Milad bayramı və Yeni il münasibətilə uşaq və yeniyetmə musiqiçilər konsert proqramı ilə çıxış ediblər. Bu haqda Azərtac məlumat verib.
Konsertdə əslən bakılı pianoçu və opera müğənnisi, musiqişünas-müəllim Lada Atlantovanın şagirdləri Avropa bəstəkarlarının əsərlərini ifa ediblər.
İfaçılar arasında olan Avstriyadakı Azərbaycan icmasının üzvü, yeddi yaşlı Fuad İsmayılov fortepianoda Volfqanq Amadeus Motsartın “Türk marşı“ və Pyotr İlyiç Çaykovskinin “Şelkunçik“ baletindən “Güllər valsı“nı təqdim edib.
