Bakı Metropoliteni 29-30 dekabr tarixlərində saat 11:30-dan başlayaraq “İçərişəhər” stansiyasında sərnişinlərə Şaxta baba, Qar qız və müxtəlif nağıl personajlarının iştirakı ilə Yeni il şousu təqdim edəcək. Bu haqda bu gün, 28 dekabr tarixində qurumun mətbuat xidmətinə istinadən Bakuplus.az məlumat verir.
Tədbir zamanı metroda Bəhram Bağırzadənin uşaqlar üçün yazdığı kitabın imza günü də təşkil olunacaq.
Bayram günlərində bu stansiyada retro vaqonlardan ibarət qatar təqdim olunacaq. Hərəkət xətlərində bəzədilmiş qatar da hərəkət edəcək. Bundan əlavə, bir neçə stansiyada milli və dünya musiqi əsərlərindən ibarət konsert proqramları təşkil olunacaq.
