Bakı Metropoliteni bayram günlərində gücləndirilmiş iş rejimində çalışacaq. Bu haqda bu gün, 29 dekabr tarixində Bakuplus.az quruma istinadən xəbər verir.
Dekabr ayının sonundan etibarən 4 yanvar 2023-cü il tarixinə qədər insan axının çox olduğu metro stansiyalara əlavə işçi qüvvəsi cəlb ediləcək, zərurət yaransa, xəttə əlavə qatarlar buraxılacaq.
“Bakmil” stansiyası istiqamətində və əksinə hərəkət edən sərnişinlərdən xahiş olunur ki, 31 dekabr şənbə, sonrakı qeyri-iş günlərində isə bazar gününə uyğun cədvəllərdən istifadə etsinlər.
Həmçinin yeni il gecəsi Bakı Metropoliteni 1 saat artıq işləyəcək və 1 yanvar saat 01:00-a qədər qapılar sərnişinlər üçün açıq olacaq.
