"Bakı Metropoliteni" QSC-nin fəaliyyətinin təmin edilməsində xüsusi əhəmiyyət daşıyan daha iki şaxtada əsaslı təmir və yenidənqurma işlərinin mühüm mərhələsi yekunlaşdırılıb. Bu haqda Report 12 noyabr tarixində xəbər verib.
Metro stansiyaları və tunellərin hava təminatı, eləcə də kommunikasiya əlaqələri baxımından şaxtalar vacib əhəmiyyət kəsb edir.
Təmir işləri sayəsində üç mühüm məsələ həllini tapıb.
Birincisi ərazinin yol-nəqliyyat infrastrukturu ilə bağlıdır. 60-65 il əvvəl Süleyman Rəhimov küçəsində inşa olunmuş şaxta lüləsi, sonralar küçənin genişləndirilməsi nəticəsində avtomobil yolunun ortasına düşüb. İşlər çərçivəsində həmi şaxta lüləsi 22 m kənara çəkilib.
Şaxta 50 ildən artıq istismar müddətində fiziki aşınmaya məruz qaldığından, yeniləşmə qaçılmaz idi.
Həllini tapan daha iki mühüm irihəcmli vəzifə kommunikasiya sahəsi ilə bağlıdır.
Əvvəlcə, dartı yarımstansiyasının kabellərinin keçdiyi şaxtanın yan tunelində xüsusi gücləndirmə tədbirləri görülüb, külli-miqdarda kabellər dəyişdirilib. İşıqlanma sistemi hermetik çıraqlarla yenidən qurularaq müvafiq standartlar səviyyəsinə çatdırılıb.
Yenidənqurma tədbirləri hava axınının istiqamətlənməsi, yaxın tunellərdə təbii ventilyasiyanın effektivliyinin artırılmasına xidmət göstərir və təbii havalandırma imkanlarını genişləndirib.
[URIS id=14164]
