Bakı metrosunda qatarda yaranan nasazlıq səbəbindən sərnişinlər "28 May" stansiyasında düşürülüblər. Hadisə bu gün, 13 yanvar tarixində saat 07:30 radələrində "Həzi Aslanov" - "İçərişəhər" marşrutu ilə hərəkət edən qatarda qeydə alınıb. Bu haqda Report məlumat verib.
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov məlumatı təsdiqləyib.
"Əvəzinə depodan qatar verilib və xətlər üzrə ehtiyat qatar da hərəkət edib. Depoya göndərilən qatara baxış keçirilib, problem aşkarlanmayıb və o, marşrutlardan biri üzrə xəttə veriləcək", - deyə Məmmədov əlavə edib.
