Qarşıdan gələn Dünya Azərbaycanlılarının Həmrəyliyi Günü və Yeni il bayramları ilə əlaqədar “Bakı Metropoliteni” QSC gücləndirilmiş iş rejimində çalışacaq. Bu barədə Vesti.Az “Bakı Metropoliteni” QSC-nin mətbuat xidmətinin rəhbəri Bəxtiyar Məmmədova istinadən məlumat verib.
Stansiyalara əlavə işçi qüvvəsi və texniki vasitələr cəlb olunacaq. Bu günlərdə sərnişin sıxlığı olarsa, ehtiyat qatarlar da relslərə buraxılacaq. Bundan əlavə, bütün stansiyalarda növbələr təşkil olunacaq.
Bayram günlərində metronun iş qrafikində dəyişiklik edilməsi nəzərdə tutulmur. Qrafikin dəyişdirilməsi ictimai tədbirlərin təşkil edilib-edilməyəcəyindən asılıdır.
Bakı Şəhər İcra Hakimiyyətinin mətbuat xidmətindən bildirilib ki, Azərbaycanda qüvvədə olan karantin rejimi ilə əlaqədar nə Yeni il ərəfəsində, nə də digər bayramlarda şənliklər nəzərdə tutulmur.
