Bu gün ərzində küləyin sürətinin artması nəticəsində ölkə ərazisində, o cümlədən Bakıda formalaşan tozlu hava kütlələrinin artması gözlənilir. Bu barədə bu gün, 15 iyul tarixində Ekologiya və Təbii Sərvətlər Nazirliyinin Milli Hidrometeorologiya Xidmətinin direktoru Gülşad Məmmədova məlumat verib.
Havanın çirklənməsinə avtomatik nəzarət stansiyalarının məlumatına əsasən, hazırda Bakının Nizami rayonunda tozun qatılığı normadan 1,5 dəfə, Səbayılda 1,4 dəfə, Xətaidə 1,6 dəfə çoxdur.
“Bu proses qısamüddətlidir. Amma sinoptik vəziyyətlə əlaqədar, iyulun 17-dən 19-dək havanın çirklənmə dərəcəsinin yenidən artacağı proqnozlaşdırılır”, - deyə Məmmədova bildirib.
