Bakı-Qəbələ-Bakı marşrutu üzrə əlavə reyslər təyin olunub. Bu haqda bu gün, 8 fevral tarixində Bakuplus.az Azərbaycan Dəmir Yollarına istinadən xəbər verir.
Fevralın 17-dən martın 17-nə qədər adıçəkilən marşrut üzrə qatarlar həftənin şənbə və bazar günlərində də hər iki istiqamətdə fəaliyyət göstərəcək.
Bildirilir ki, qatarlar saat 07:30-da Bakıdan yola düşəcək, saat 19:00-da isə Qəbələdən tərpənəcək.
Bilet almaq üçün “ADY Mobile” tətbiqi və yaxud www.ady.az saytından yararlanmaq olar.
