Bakı-Quba-Rusiya avtomobil yolunun bir hissəsində hərəkət məhdudlaşdırılacaq. Bu haqda bu gün, 29 sentyabr tarixində Bakuplus.az Avtomobil Yolları Dövlət Agentliyinə istinadən xəbər verir.
Sözügedən yolun Bakı istiqamətində olan 51-61-ci km-lik hissəsində 30 sentyabr səhər saatlarından asfalt-beton örtüyü döşənəcək. Bununla əlaqədar həmin istiqamətdə hərəkət qısamüddətlik məhdudlaşdırılacaq, nəqliyyat vasitələri əks istiqamətli yola yönləndiriləcək.
Agentlik sözügedən ərazidən keçən sürücülərdən diqqətli olmalarını xahiş edib.
