Yenilənib:
Şahid qismində ifadə verən sabiq rektor barəsində səsləndirilən ittihamlarla razı olmayıb. O, Dürdanə Əliyevanı tanımadığını, tələbələrin təhsil haqqını ödəmədiklərini söyləyib.
“Təhsil haqqı birbaşa sistemə otururdu. Pulun nağd şəkildə dekana ödənilməsi faktı ilə qəti razı deyiləm. Təhsil haqqını ödəmədiyinə görə hər hansı tələbənin universitetdən qovulması mümkün deyil”, - deyə o, əlavə edib.
D.Əliyevanın vəkili isə 123 tələbənin 226.960 AZN-lik mülki iddia qaldırdığını bildirib.
"123 tələbədən 95-i məhkəmədə ifadə verərək universitet daxilindəki ödəmə terminalının işləmədiyini bildirib. Bu səbəbdən onlar təhsil haqqını bir çox hallarda dekanlığa yaxınlaşıb nağd şəkildə ödəyirdilər”, - deyə vəkil qeyd edib.
12:01 - Nurlana Əliyeva məhkəməyə gəlib
Bakı Slavyan Universitetinin keçmiş rektoru Nurlana Əliyeva məhkəməyə gəlib. Bu haqda bu gün, 3 aprel tarixində Bakuplus.az APA-ya istinadən xəbər verir.
Sabiq rektor Slavyan Universitetinin əyani və qiyabi şöbəsinin keçmiş rəhbəri Dürdanə Əliyevanın cinayət işi üzrə keçirilən məhkəmədə şahid kimi ifadə verəcək.
N.Əliyeva məhkəmədən yayındığı üçün barəsində məcburi gətirilmə qərarı çıxarılıb.
Dürdanə Əliyeva rüşvət almaqda ittiham olunur. O, bu əməlləri rektor Nurlana Əliyeva ilə etdiyini bildirir.
