Sentyabrın 9-da Azərbaycan Respublikasından ispandilli ölkələr üzrə mütəxəssis Mahir Qurbanov, ABŞ analitiki Piter Marko Tasenin təşkilatçılığı ilə Paraqvay Milli Konqresində keçirilən I Paraqvay - Azərbaycan beynəlxalq forumunda iştirak edib.
Bakuplus.az xəbər verir ki, Mahir Qurbanov üç istiqamət üzrə çıxış edib: Prezident İlham Əliyevin rəhbərliyi ilə Azərbaycanın iqtisadi potensialı və 44 günlük Vətən müharibəsindəki qələbəmiz, xanım Mehriban Əliyevanın rəhbərliyi altında Heydər Əliyev Fondunun fəaliyyəti və Fondun Azərbaycanı beynəlxalq aləmdə təmsil etməsi haqqında geniş məlumat, həmçinin IDEA təşkilatının müstəsna fəaliyyəti və Heydər Əliyev Fondunun vitse-prezidenti, IDEA-nın təsisçisi və rəhbəri xanım Leyla Əliyeva tərəfindən qlobal miqyasda həyata keçirilən mühüm layihələr.
Mahir Qurbanov Paraqvay parlamentində çıxış edən ilk azərbaycanlı olub. Bu, tarixi bir an idi, çünki Azərbaycanın dövlət himni Konqresdə ilk dəfə səsləndirildi.
Leyla Əliyevanın köməyi əsasında ispandilli ölkələr üzrə mütəxəssis Mahir Qurbanov, Paraqvaya bu səfəri həyata keçirdə bilib.
