Bu gün Qarabağda həyata keçirilən lokal antiterror əməliyyatlarının üçüncü ildönümüdür.
2023-cü ilin 19-20 sentyabr tarixlərində Azərbaycan və erməni silahlı birləşmələri arasında toqquşma baş verib. Cəmi 23 saat 43 dəqiqə ərzində erməni separatçıları ağ bayraq qaldırmağa məcbur oldular. Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müraciətini nəzərə alaraq, tam atəşkəs haqqında razılaşma əldə olundu və 2023-cü il sentyabrın 20-də saat 13:00-da lokal xarakterli antiterror tədbirləri dayandırıldı.
Bakuplus.az xəbər verir ki, sözügedən döyüşlərdə Azərbaycan Silahlı Qüvvələrinin ümumilikdə 192, Daxili İşlər Nazirliyi Daxili Qoşunlarının isə 12 hərbi qulluqçusu şəhidlik zirvəsinə ucalıb. Terror aktları nəticəsində Ağdam və Şuşa şəhərlərində müvafiq olaraq iki mülki şəxs həlak olub.
