2 yanvar saat 12:00-dan axşam saatlarına qədər paytaxtın əsas prospektlərindən birində hərəkət məhdudlaşdırılacaq. Bu haqda Azəravtoyolun mətbuat xidməti məlumat yayıb.
Ziya Bünyadov prospektinin Koroğlu qovşağından 20 Yanvar dairəsi istiqamətində olan hissəsində yerləşən 1-ci tunelə giriş bağlanacaq.
Səbəb olaraq ərazidə aparılan işıqlandırma sistemlərinin təmiri göstərilir.
“Yarana biləcək müvəqqəti narahatlığa görə üzr istəyirik”, - deyə qurum qeyd edib.
