Bakı Zooloji Parkında ev heyvanlarına sahiblənmək mümkün olacaq. Bu haqda bu gün, 25 noyabr tarixində Bakuplus.az Bakı Zooloji Parkına istinadən xəbər verir.
İDEA Heyvanlara Qayğı Mərkəzi hər ayın son şənbə günü Bakı Zooloji Parkında it və pişikləri nümayiş etdirəcək. Vətəndaşlar heyvanlarla vaxt keçirə, onlara qulluq haqqında təlimat və məsləhətlər ala biləcəklər, eləcə də özlərinə vəfalı dost qazanmaq şansına sahib olacaqlar.
Ev heyvanına sahiblənmək istəyən şəxslər şəxsiyyət vəsiqəsi ilə gələrək qısa müsahibədən keçə, öhdəlik sənədini imzalamaqla istədikləri heyvanı himayəyə götürə biləcəklər. Dördayaqlıları himayəyə götürmək ödənişsiz olacaq.
Tədbir 26 noyabr saat 10:00-14:00 arası baş tutacaq.
