Bu gün səhər saatlarında etibarən "Həzi Aslanov"–"İçərişəhər" istiqamətində hərəkət edən qatarların hərəkəti dayanmışdı.
"Bakı Metropoliteni" QSC-dən Bakuplus.az-ın sorğusuna cavab olaraq bildirilib ki, "İçərişəhər" stansiyasının giriş sahəsində qatarda nasazlıq yaranıb. Köməkçi qatar verilməklə nasaz qatar xətdən çıxarılıb və qısa müddət ərzində Qırmızı xətt üzrə interval bərpa olunub.
Həmin müddətdə Yaşıl və Bənövşəyi xətlərdə qatarların hərəkəti qrafikə uyğun davam edib.
QSC yaranmış narahatlığa görə sərnişinlərdən üzr istəyib.
***
Sentyabrın 14-də səhər saatlarında Bakı Metropolitenində problem yaranıb.
Bakuplus.az xəbər verir ki, saat 07:40 radələrindən etibarən "Həzi Aslanov"–"İçərişəhər" istiqamətində hərəkət edən qatarların hərəkəti dayanıb.
İlkin məlumata görə, yüzlərlə sərnişin metrostansiyalarında və qatarlarda gözləməli olub.
Qatarların hərəkətinin dayanmasına səbəb hələlik məlum deyil.
Problem hazırda davam edir.
