Paytaxtda bəzi market və köşklərdə siqaret satışı məhdudlaşdırılıb.
Bizim.media-nın əldə etdiyi məlumata görə, satıcılara göstəriş verilib ki, müştərilərə eyni siqaretdən ancaq bir paket, israr ediləcəyi təqdirdə maksimum iki paket satsınlar.
Bu addımın atılması şirkətlərin satışı dayandırması ilə əlaqələndirilib. Problemin yanvarın 6-dək davam edəcəyi gözlənilir.
Onu da qeyd edək ki, paytaxtın bir sıra köşklərində əvvəl 4.80 manata təklif olunan "Sobranie" siqaretinin qiyməti bu gündən 5.50 manata yüksəlib. Digər siqaretlərin də qiymətində 15-20 faiz artım var. Üstəlik, satıcılar qiymətin daha da yüksələcəyini qeyd ediblər.
