"Baku Steel Company” şirkətinin rəhbərinin məhkəməsi yekunlaşıb. Bu haqda bu gün, 28 dekabr tarixində Bakuplus.az Report-a istinadən xəbər verir.
Rasim Məmmədov məhkəmənin qərarı ilə 14 il müddətinə azadlıqdan məhrum edilib.
Həmçinin R.Məmmədovun bəzi əmlakları müsadirə edilib. Bura Səbail rayonu, Badamdar qəsəbəsində yerləşən Bakı Oksford Məktəbi, Sumqayıt şəhərində yerləşən bir şirkət, bir neçə fərdi yaşayış və bağ evləri daxildir.
Təqsirkar “Baku Steel Company” MMC-yə rəhbərlik etdiyi dövrdə başqa şəxslərin adına şirkətlər yaradıb və “Baku Steel Company”-nin məhsullarını həmin şirkətlərə aşağı qiymətə satıb. Bununla o, “Baku Steel Company” MMC-yə 55 milyon AZN ziyan vurub.
