Bakıda supermarketlərdə “Batareyaları təhvil ver - təbiəti qoru" layihəsi davam etdirilir. Bu haqda bu gün, 14 iyul tarixində Caliber.az məlumat verib.
Layihə Azərbaycanın Ekologiya və Təbii Sərvətlər Nazirliyi, Qırmızı Ürəklər Fondu və Bravo, Neptun, Araz və Rahat supermarketlər şəbəkələri ilə təşkil olunur.
Azərbaycan Respublikası Ekologiya Nazirliyinin mətbuat xidmətinin rəhbəri İradə İbrahimova bildirib ki, layihənin məqsədi işlənmiş akkumulyatorların toplanılması məntəqələri şəbəkəsini genişləndirmək, Azərbaycanın ətraf mühitini və ekologiyasını qorumaqdır.
Layihə çərçivəsində Bravo mağazalarının 28 Mall, 20 Yanvar, Koroğlu və Gənclik filiallarında 58 kiloqram işlənmiş akkumulyatorlar toplanılaraq emal olunması üçün “Təhlükəli Tullantılar” MMC-yə təhvil verilib.
Mağazaların siyahısı və ünvanları ilə burada tanış ola bilərsiniz.
[caption id="attachment_52496" align="alignnone" width="800"]
Foto Caliber.az saytı[/caption]
