Səbail rayonu, Bayıl qəsəbəsində yeni quraşdırılan yol nişanı narazılığa səbəb olub. Bu haqda bu gün, 20 iyun tarixində Bakuplus.az Real TV-yə istinadən xəbər verir.
Şikayət Mikayıl Useynov prospekti ilə bağlıdır. Belə ki, küçənin sağ hissəsində dayanma və durmanı qadağan edən nişan quraşdırılıb. Qəsəbədə yaşayan sakinlər isə bu halla narazıdırlar. Onlar parka gələn zaman maşınlarını orada park edirdilər. Yaxınlıqda isə parklanma üçün başqa yer yoxdur.
“Bura çox işlənən yol deyil. Burada heç vaxt belə intensiv maşın keçmir”, - deyə sakinlər bildirirlər.
Rəsmi qurumlar məsələ ilə bağlı bildiriblər ki, parkın digər hissələrində dayanmaq üçün kifayət qədər yer var. Sözügedən küçədə isə hər iki tərəfdə avtomobillərin park edilməsi küçənin hərəkətində problemlər yaradır.
