Dünya Azərbaycanlılarının Həmrəyliyi Günü və Yeni il bayramı ilə əlaqədar 31 dekabr - 4 yanvar tarixlərinin qeyri-iş günləri olmasına baxmayaraq, texniki baxış məntəqələri xidmət göstərəcək. Bu barədə bu gün, 28 dekabr tarixində Bakuplus.az Daxili İşlər Nazirliyinə (DİN) istinadən məlumat verir.
Bayram günlərində Bakının Sabunçu və Qaradağ rayonlarında (Sədərək Ticarət Mərkəzinin yanı) yerləşən Müayinə Mərkəzləri və respublikаnın digər rаyonlаrındаkı texniki baxış şöbələri 24 saat fasiləsiz iş rejimində sürücülərin xidmətində olacaq.
Zabrat qəsəbəsində yerləşən Texniki Müayinə Mərkəzinə nəqliyyat vasitələrini texniki baxışa təqdim etmək üçün valideynləri, eləcə də qohumları ilə gələn azyaşlılara bayramla əlaqədar olaraq hədiyyələr də paylanılır.
Əlavə məlumat almaq üçün sürücülər və nəqliyyat vasitələrinin sahibləri 012-590-71-13 nömrəli qaynar xətlə əlaqə saxlaya bilərlər.
[URIS id=85067]
