Bakı Nəqliyyat Agentliyi (BNA) bayram günlərində Dənizkənarı Milli Parkdan 2 istiqamət üzrə ekspres marşrutlar təşkil edəcək. Bu haqda bu gün, 30 dekabr tarixində agentliyə istinadən Bakuplus.az məlumat verir.
Avtobuslar dekabrın 31-dən Dənizkənarı Milli Park - “20 Yanvar” metro stansiyası və Dənizkənarı Milli Park - “Həzi Aslanov” metro stansiyası istiqamətlərində işləyəcək. Ekspres marşrutlar üzrə avtobusların çıxış nöqtəsi “Park Bulvar”ın qarşısı müəyyən olunub.
Agentlik, həmçinin qeyd edib ki, bayram tədbirləri ilə əlaqədar müntəzəm marşrut avtobusları gecə saatlarına qədər xidmətdə olacaq.
