Qurban bayramı ilə əlaqədar 9-12 iyul tarixləri qeyri-iş günləri olmasına baxmayaraq, texniki baxış məntəqələri və qeydiyyat-imtahan şöbələri fasiləsiz rejimdə xidmət göstərəcək. Bu barədə bu gün, 8 iyul tarixində Daxili İşlər Nazirliyi bildirib.
Bayram günlərində Bakının Sabunçu və Qaradağ rayonlarında (Sədərək Ticarət Mərkəzinin yanı) yerləşən Müayinə Mərkəzləri, habelə Baş Dövlət Yol Polisi İdarəsinin Qeydiyyat-imtahan idarəsi saat 09:00-dan 18:00-dək fasiləsiz şəkildə sürücülərin xidmətində olacaq.
Bundan əlavə, vətəndaşlar onları maraqlandıran suallarla bağlı 012-511-08-40 nömrəli qaynar xəttə müraciət edə bilərlər.
Sumqayıt şəhəri və Abşeron rayonunun sakinləri bayram günlərində nəqliyyat vasitələrini Bakı şəhərində texniki baxışdan keçirmək üçün təqdim edə bilirlər.
