Bakıda tarixi hamamın divarına birləşdirilən hasar sökülüb. Bu haqda 5 oktyabr tarixində Bakuplus.az APA-ya istinadən məlumat verir.
Binəqədi rayonu, Görədil bağlar massivində yerləşən tarixi Məhəmməd Həsən hamamının divarına birləşdirilən, uzunluğu 16 metr, hündürlüyü isə 3 metr olan hasar sökülüb. Abidənin arxa hissəsi boyunca olan ərazi 10 ildir ki, vətəndaşın öz həyətyanı sahəsinə birləşdirilmişdir.
2020-ci il noyabr ayından Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti tarixi abidənin qanunsuz zəbt edilməsi ilə bağlı problemin həlli üçün vətəndaşla hüquq müstəvisində danışıqlar aparıb. Uzun sürən danışıqlardan sonra, vətəndaş ona Dövlət Xidməti tərəfindən vaxt verilməsini xahiş etmişdir. Artıq problem aradan qaldırılıb.
