Bakı Nəqliyyat Agentliyi 2021-ci ildə paytaxtda yol hərəkəti təhlükəsizliyinin yaxşılaşdırılması üçün bir sıra mühüm layihələr həyata keçirib. Bu haqda bu gün, 29 dekabr tarixində Bakuplus BNA-yə istinadən məlumat verir.
Təqdim olunan hesabata əsasən, bu il 161 küçə və prospektdə yol şəraitinin yaxşılaşdırılması istiqamətində işlər görülüb.
6 küçə və prospektdə avtobuslar üçün xüsusi zolaqlar ayrılıb. Lakin nəzarət zəif olduğuna görə, R.Behbudov küçəsi və Atatürk prospekti istisna olmaqla, digər yollarda xüsusi zolaqlanmanın müsbət təsiri yoxdur.
Sürət həddi 15 sahədə optimallaşdırılıb. 225 küçə və prospektdə yol-cizgi xətləri çəkilib. 27 yolayrıcında işıqforun hərəkət cədvəlində dəyişiklik edilib.
249 küçə və prospektdə piyada keçidləri yenilənib, 40 piyada keçidi “sarı işıqla” təchiz edilib, 23 məktəbin yaxınlığında təhlükəsizlik tədbirləri görülüb.
Şəhərin küçə və prospektlərində 4924 ədəd çatışmayan yol nişanı quraşdırılıb. 21 yolun kəsişməsidə “sarı tor” çəkilib.
Təhlükəsizliyə və piyadalara xüsusi diqqət yetirilir. Belə ki, bir il ərzində 26 küçə və prospektdə panduslar tikilib.
Ümumilikdə, son 6 ildə avtonəqliyyat vasitələrinin iştirakı ilə baş verən yol-nəqliyyat hadisələrinin dinamikasında azalma müşahidə olunur. Belə ki, qəzaların sayı 40%, piyadaların vurulması ilə bağlı qəzaların sayı isə 12% azalıb.
[URIS id=22337]
