Bu gün, 27 dekabr səhər saatlarından Şövkət Ələkbərova və Adil İsgəndərov küçələrində avtomobillər Bakı Nəqliyyat Agentliyinin (BNA) əməkdaşları tərəfindən yolun hərəkət hissəsindən yığışdırılır. İkinci sırada dayanan avtomobillər evakuatorla aparılır. Ba haqda Bakuplus məlumat verir.
Həmin ərazidə Heydər Əliyev Fondu, SOCAR-ın binası, 6 saylı orta məktəb kimi iri obyektlərin olması küçədə parkinq yerlərinin həddindən artıq yüklənməsinə səbəb olur. Bəzi sürücülər avtomobillərini ikinci zolaqda saxlayır, bu da adıçəkilən küçələrdə tıxaclara səbəb olur.
Daxil olan məlumata görə, bu ərazidə mütəmadi yoxlamalar aparılacaq və BNA-nın işçiləri növbətçiliyə cəlb olunacaq. Qaydalara uyğun park edilməyən avtomobillər cərimə dayanacağına aparılacaq və bu nəqliyyat vasitələrinin sürücüləri cəzalandırılacaq.
[caption id="attachment_21854" align="alignnone" width="800"] Foto Bakuplus.az[/caption]
