Salam Salamzadə 1908-ci ildə Bakıda anadan olub. Rəssam Azərbaycan Dövlət Rəssamlıq Texnikumunda və Azərbaycan Dövlət Pedaqoji İnstitutunda təhsil alıb.
O, yaradıcılığında tematik tablolar, portret və mənzərə rəsmləri çəkib. S.Salamzadə “Toxuculuq fabriki”, “Fermada qadın”, “Günəş altında”, “Rəfiqələr” kimi əsərlərin müəllifidir. Onun rəsmləri bir sıra ölkələrin muzey və qalereyalarında, şəxsi kolleksiyalarda saxlanılır.
II Dünya müharibəsi illərində rəssam daha çox müharibə qəhrəmanlarının portretlərini çəkmişdir.
Bundan əlavə, Salam Salamzadə rəssam Sadiq Şərifzadə ilə birgə Nizami Gəncəvi adına Azərbaycan Ədəbiyyatı Muzeyinin layihəsi üçün “Azərbaycan ədəbiyyatşünaslarının panteonu” adlı monumental panno hazılayıb.
Rəssam 12 may 1997-ci ildə Bakıda vəfat edib.
