“Buta Airways” aşağıbüdcəli aviaşirkəti uçuş proqramının hazırlanması çərçivəsində Bakıdan Volqoqrada marşrut şəbəkəsində yeni istiqamət açır. Bu barədə bu gün, 23 yanvar tarixində şirkətin mətbuat xidmətindən məlumat verilib.
Məlumatda deyilir ki, uçuşlar martın 16-dan həftədə üç dəfə həyata keçiriləcək. Uçuşlar həftənin çərşənbə axşamı, cümə və şənbə günləri Bakıdan, çərşənbə, şənbə və bazar günləri isə Volqoqraddan həyata keçirilir.
Biletləri aviadaşıyıcının www.butaairways.az saytından və yaxud mobil tətbiqindən ("Büdcə", "Standart" və "Super" tarifləri), həmçinin akkreditə olunmuş aviaşirkət agentliklərindən (yalnız "Super" tarifləri) əldə etmək olar.
Mövcud epidemioloji məhdudiyyətlərə əsasən, uçuşa icazə verilən kateqoriyadan olan sərnişinlər daşınmağa qəbul ediləcəklər.
