Bakının Xəzər rayonu, Buzovna qəsəbəsindəki çimərliyin müəyyən hissəsi hasara alınıb. Dəniz kənarına gələn sakinlər hasarı aşmaq üçün bir kilometrə yaxın qumluq və kələ-kötür yolla piyada getməli olacaqlar. Bu haqda ARB24 reportaj hazırlayıb.
Jurnalistlərə özünü nümayəndə kimi təqdim edən şəxs yaxınlaşıb, lakin o, açıqlama verməkdən imtina edib və telefonla kiminləsə danışmağa davam edib.
Xəzər Rayon İcra Hakimiyyətinin (İH) rəsmisi Gülbala Qurbanov qurumda hasarlanmadan xəbərdar olduqlarını, amma icazənin onlar tərəfindən verilmədiyini, ümumiyyətlə bu işin onların səlahiyyətinə aid olmadığını deyib.
Bakı şəhər İH-dən verilən məlumata görə, rayon tamamilə Xəzər RİH-in balansındadır və məsələyə görə məsuliyyət daşıyan orqan onlardır.
